Գերմանիան հայտարարել է ազատ առեւտրի գոտու շուրջ ԱՄՆ-ի եւ ԵՄ-ի բանակցությունների տապալման մասին

Գերմանիայի էկոնոմիկայի նախարար, փոխկանցլեր Զիգմար Գաբրիելը հայտարարել է, որ Անդրատլանտյան ազատ առեւտրի գոտու (TTIP) ստեղծման շուրջ ԱՄՆ-ի եւ Եվրամիության միջեւ բանակցությունները փաստացի ձախողվել են: Այս մասին գրում է ՌԲԿ-ն՝ վկայակոչելով Reuters-ը:

«ԱՄՆ-ի հետ բանակցությունները փաստացի տապալվեցին, քանի որ մենք՝ եվրոպացիներս, չենք ցանկանում ենթարկվել ամերիկյան պահանջներին: Բանակցություններում ոչինչ տեղից չի շարժվում»,- ZDF հեռուստաալիքին տված հարցազրույցում հայտարարել է փոխկանցլերը:

ԱՄՆ-ն եւ ԵՄ-ն բանակցում են արդեն շուրջ 3 տարի: Կողմերը հույս ունեն դրանք ավարտին հասցնել 2016 թվականին: Համաձայնությունը ենթադրում է մի շարք ապրանքների համար սակագների չեղարկում, ծառայությունների շուկայի ընդլայնում, կարգավորման ոլորտում համագործակցության ամրապնդում:

Նյութի աղբյուր  

Comments

comments

loading...

Добавить комментарий

Ваш e-mail не будет опубликован. Обязательные поля помечены *